«Ապահովագրական գործ» մագիստրոսական կրթական ծրագրի («ԱԳ» ՄԿԾ) դիմորդներն ընդունելության մրցույթին կարող են մասնակցել՝ ունենալով առնվազն բակալավրի աստիճան:
«Ապահովագրական գործ» մագիստրոսական կրթական ծրագիրն (դասիչ՝ 041201.02.7) իրականացվում է Հայաստանի Հանրապետության պետական կառավարման ակադեմիայի «Կառավարման» ամբիոնում՝ աշխատաշուկայի պահանջներին համապատասխան, պետական կրթական չափորոշիչներին ու մեթոդական ցուցումներին համապատասխան մասնագետներ պատրաստելու նպատակով:
«ԱԳ» ՄԿԾ կազմման նպատակով նախապես հաշվի են առնվել ապահովագրության համակարգում կադրերի հավաքագրման համար դիմորդներին ներկայացվող մասնագիտական կարողունակությունների նկատմամբ պահանջները, որոնք էլ հիմք են հանդիսացել «ԱԳ» ՄԿԾ բաղկացուցիչ մաս կազմող կրթական վերջնարդյունքների ու կոմպետենցիաների, ինչպես նաև դրանք ապահովող առարկաների ցանկի կազմման համար:
Ծրագիրը նպատակ ունի պատրաստելու մասնագիտական, կառավարչական, կազմակերպչական և վերլուծական բարդ կոմպետենցիաների տիրապետող մրցունակ մասնագետներ, որոնք կկարողանան օպերատիվ կերպով կանխատեսել, գնահատել, վերլուծել տնտեսական շուկայի ռիսկերը: Ուսման ընթացքում ձեռք բերած գիտելիքներն ու հմտությունները շրջանավարտներին հնարավորություն կտան պրոֆեսիոնալ գործունեություն ծավալելու ապահովագրական բիզնեսում, զարգացնելու ապահովագրական գործը պետական մակարդակում, պաշտպանության արդյունաբերության, գյուղատնտեսության, սոցիալական ոլորտներում, սեփական ապահովագրական ընկերություններում:
«ԱԳ» ՄԿԾ-ի առաքելությունը
Հայաստանում ֆինանսական համակարգի պահանջներին համապատասխան գործնական հմտություններով օժտված ապահովագրության ոլորտի կամ համակարգի համար «Ֆինանսներ» մասնագիտությամբ (մագիստրոսի որակավորմամբ) ապահովագրական գործի որակյալ մասնագետների պատրաստումն ու դրանց նկատմամբ ունեցած պահանջի բավարարումն է:
Դասընթացները տեղի կունենան երեկոյան ժամը 18:00-ից հետո:
ԱՌԱՐԿԱՆԵՐԻ ՑԱՆԿ
Տարեկան ուսման վճարը՝ 500 000 ՀՀ դրամ
Լրացուցիչ տեղեկությունների համար զանգահարել՝ երկուշաբթի-ուրբաթ, ժամը՝ 9։00-18։00
Կրթական ծրագրի պատասխանատու, ՀՀ ՊԿԱ փաստաթղթեր ընդունող հանձնաժողովի անդամ՝
Տաթևիկ Դանիելյան, (077) 883 231
Ընդունող հանձնաժողովի պատասխանատու քարտուղար՝ Աննա Ղուշչյան, (091) 496 269