Հայաստանի Հանրապետության պետական
կառավարման ակադեմիա
«Մարդկային ռեսուրսների կառավարում» մագիստրոսական կրթական ծրագիրն իրականացվում է Հայաստանի Հանրապետության պետական կառավարման ակադեմիայի Կառավարման ամբիոնի կողմից:
Կրթական ծրագրի նպատակն է պատրաստել ժամանակակից մարտահրավերներին համապատասխան՝ մարդկային ռեսուրսների կառավարման մասնագետներ՝ պետական և մասնավոր հատվածներում կազմակերպությունների նորարարական կառավարման, կադրային քաղաքականության և կադրերի պլանավորման, աշխատակազմի գնահատման, անձնակազմի ուսուցման և զարգացման, կարիերայի և իրավասությունների կառավարման և համալիր կազմակերպական ախտորոշման բնագավառներում: Ակադեմիայի դիմորդը կարող է զուգահեռաբար դիմել նաև «Գործարար վարչարարություն» (հեռավար) կրթական ծրագրով երկրորդ մասնագիտությամբ սովորելու համար:
«Մարդկային ռեսուրսների կառավարում» կրթական ծրագրով առկա ուսուցմամբ սովորելու հայտ ներկայացրած դիմորդներն անցնում են հարցազրույց:
Ուսուցման ձևը՝ առկա (2 տարի, վճարովի):
«Մարդկային ռեսուրսների կառավարում» մագիստրոսական կրթական ծրագրի ընդունելության մրցույթին կարող են մասնակցել առնվազն բակալավրի աստիճան ունեցող անձինք:
Տարեկան ուսման վճարը 650.000 ՀՀ դրամ է:
Ընդունելության համար պետք է ներկայացնել հետևյալ փաստաթղթերը.
եթե դիպլոմը դեռևս չի հանձնվել, ապա դրա փոխարեն պետք է ներկայացնել տեղեկանք՝ ըստ ձևանմուշի, իսկ դիպլոմի հավելվածի փոխարեն՝ ակադեմիական տեղեկանք ավարտած բուհից, որտեղ պետք է պարտադիր նշված լինի ամփոփիչ ՄՈԳ–ը (միջին որակական գնահատականը)
Դիմորդը փաստաթղթերը ներկայացնում է անձամբ` անձը հաստատող փաստաթղթով: Նշված փաստաթղթերի պատճենները ներկայացվում են բնօրինակների հետ (պատճենները համեմատվում են բնօրինակների հետ և ընդունվում, իսկ բնօրինակները վերադարձվում են քաղաքացուն):
Լրացուցիչ տեղեկությունների համար զանգահարել կրթական ծրագրի պատասխանատու, ՀՀ ՊԿԱ փաստաթղթեր ընդունող հանձնաժողովի անդամ Սոնյա Ավագյանին՝ (093) 526 905, կամ ընդունող հանձնաժողովի պատասխանատու քարտուղար՝ Աննա Ղուշչյանին՝ (091) 496 269:
Աշխատանքային օրերը՝ երկուշաբթի-ուրբաթ, ժամը՝ 9։00-17։00:
