Հայաստանի Հանրապետության պետական
կառավարման ակադեմիա
«Իրավագիտություն» մագիստրոսական կրթական ծրագիրն իրականացվում է Հայաստանի Հանրապետության պետական կառավարման ակադեմիայի Իրավագիտության ամբիոնի կողմից:
Կրթական ծրագրի նպատակն է պատրաստել բարձրակարգ իրավական գիտելիքներով օժտված իրավաբաններ, որոնք կարող են իրականացնել խորացված, հիմնարար և մասնագիտական, այդ թվում` գիտահետազոտական և մանկավարժական պատրաստվածություն պահանջող գործունեություն, ունեն հայեցակարգային մտածողություն, կարող են բացահայտել մասնագիտացման բնագավառի իրավական կարգավորմանն առնչվող հիմնախնդիրները, իրավունքի ու քաղաքականության ցարգացման միտումները, տրամադրել որակյալ իրավաբանական խորհրդատվություն: Իրավագիտություն կրթական ծրագրով ընդունելության մրցույթին կարող են մասնակցել իրավագիտություն, միջազգային հարաբերություններ մասնագիտություններ ունեցող շրջանավարտները, Կառավարման որակավորման աստիճան ունեցող շրջանավարտները, ինչպես նաև այն դիմորդները, որոնց դիպլոմի հավելվածում (միջուկում) երկու և ավելի իրավագիտական առարկա է նշված: Ակադեմիայի դիմորդը կարող է զուգահեռաբար դիմել նաև «Գործարար վարչարարություն» (հեռավար) կրթական ծրագրով երկրորդ մասնագիտությամբ սովորելու համար:
«Իրավագիտություն» կրթական ծրագրով առկա ուսուցմամբ սովորելու հայտ ներկայացրած դիմորդները հանձնում են թեստ ՀՀ Սահմադրությունից և ՀՀ քաղաքացիական իրավունքից:
Ուսուցման ձևը՝ առկա (2 տարի, անվճար և վճարովի) և հեռակա (2,5 տարի, վճարովի):
Հեռակա ուսուցման ընդունելությունը՝ փաստաթղթերի ներկայացում, հարցազրույց: Հեռակա ուսուցումը՝ վճարովի:
«Իրավագիտություն» մագիստրոսական կրթական ծրագրի ընդունելության մրցույթին կարող են մասնակցել առնվազն բակալավրի աստիճան ունեցող անձինք:
Անվճար հիմունքով սովորող մագիստրանտները կստանան 48.600 ՀՀ դրամ կրթաթոշակ:
Տարեկան ուսման վարձը 800.000 ՀՀ դրամ է:
Ընդունելության համար պետք է ներկայացնել հետևյալ փաստաթղթերը.
եթե դիպլոմը դեռևս չի հանձնվել, ապա դրա փոխարեն պետք է ներկայացնել տեղեկանք՝ ըստ ձևանմուշի, իսկ դիպլոմի հավելվածի փոխարեն՝ ակադեմիական տեղեկանք ավարտած բուհից, որտեղ պետք է պարտադիր նշված լինի ամփոփիչ ՄՈԳ–ը (միջին որակական գնահատականը)
Դիմորդը փաստաթղթերը ներկայացնում է անձամբ` անձը հաստատող փաստաթղթով: Նշված փաստաթղթերի պատճենները ներկայացվում են բնօրինակների հետ (պատճենները համեմատվում են բնօրինակների հետ և ընդունվում, իսկ բնօրինակները վերադարձվում են քաղաքացուն):
Լրացուցիչ տեղեկությունների համար զանգահարել կրթական ծրագրի պատասխանատու, ՀՀ ՊԿԱ փաստաթղթեր ընդունող հանձնաժողովի անդամ Արմինե Հովհաննիսյանին՝ (093) 402 875, կամ ընդունող հանձնաժողովի պատասխանատու քարտուղար՝ Աննա Ղուշչյանին՝ (091) 496 269:
Աշխատանքային օրերը՝ երկուշաբթի-ուրբաթ, ժամը՝ 9։00-17։00:
