Հայաստանի Հանրապետության պետական
կառավարման ակադեմիա
ՀՀ պետական կառավարման ակադեմիան Եվրամիության Էրազմուս+ ծրագրի Ժան Մոնե գործողությունների շրջանակներում իրականացվող PROMOEU “Promotion of the European Studies in Armenia” (Եվրոպագիտության խթանումը Հայաստանում) ծրագրի կոնսորցիումի անդամ է:
Ծրագրի տևողությունը երկու տարի է (2020 թ. հոկտեմբեր-2022 թ. հոկտեմբեր):
Ծրագրի գործընկերներն են՝
2020 թ դեկտեմբերի 23-ին տեղի ունեցավ PROMOEU ծրագրի մեկնարկային առցանց հանդիպումը, որի ժամանակ քննարկվեցին ծրագրի աշխատանքների ժամանակացույցը և գործողությունների պլանը, ծրագրի պաշտոնական կայքէջի և տարբերանշանի (logo) ստեղծման հետ կապված հարցեր:
Ծրագրի գործողության ընթացքում նախատեսվում է կազմակերպել տեղեկատվական հանդիպում Հայաստանում, ուսումնական այց Սլովենիայի Մարիբորի համալսարան՝ ուսումնասիրելու եվրոպական փորձը՝ հետագայում հայկական բուհերում համապատասախան դասընթացներ ստեղծելու նպատակով:
Ծրագրի շրջանակներում կկազմակերպվեն նաև ամառային դպրոց հայաստանյան գործընկեր բուհերի դասախոսների և ուսանողների մասնակցությամբ, վիրտուալ փորձնական դասընթացներ գործընկեր հաստատությունների ուսանողների համար, ինչպես նաև գիտաժողով` ծրագրի արդյունքների և ձեռքբերումների ամփոփումով:
Այց Մարիբորի համալսարան՝ PROMOEU ծրագրի շրջանակներում
2022 թ. հոկտեմբերի 24-ից 28-ը ԵՄ ֆինանսավորմամբ Էրազմուս+ «Ժան Մոնե» ծրագրի շրջանակներում իրականացվող PROMՕEU – Promotion of European Studies in Armenia (Եվրոպագիտության խթանումը Հայաստանում) ծրագրի գործողությունների պլանի համաձայն՝ տեղի ունեցավ ծրագրի կոնսորցիում հայաստանյան բուհերի ներկայացուցիչների աշխատանքային այց PROMՕEU եվրոպական գործընկեր բուհ՝ Մարիբորի համալսարան (Սլովենիա): Համալսարանը հիմնադրվել է 1975 թվականին, ունի 17 ֆակուլտետ և ավելի քան 18 հազար ուսանող:
ՀՀ պետական կառավարման ակադեմիայից աշխատանքային այցին մասնակցեցին ռեկտոր Խաչատուր Ղազեյանը, Միջազգային համագործակցության և զարգացման կենտրոնի ղեկավար Թերեզա Խեչոյանը և Կառավարման ամբիոնի վարիչ Վիլեն Խաչատրյանը:
Հայաստանյան բուհերի ներկայացուցիչներին ողջունեց Մարիբորի համալսարանի ռեկտոր Զդրավկո Կաչիչը:
Աշխատանքային այցի մասնակիցները տեղեկացվեցին բուհի գործունեության, գիտական և կրթական ծրագրերի, միջազգային կապերի և համագործակցության, իրականացված և ընթացիկ միջազգային ծրագրերի ու ձեռքբերումների մասին:
Թ. Խեչոյանը ներկայացրեց միջազգային համագործակցության ոլորտում ՀՀ ՊԿԱ-ի հնարավորություններն ու հաջողությունները և Մարիբորի համալսարանի հետ համագործակցության հնարավոր ուղղությունների առաջարկները: Վ. Խաչատրյանը ներկայացրեց Հայաստանի և եվրոպական մի շարք երկրների տնտեսական ցուցիչների համեմատական վերլուծություն: Ակադեմիայի ներկայացուցիչները պատասխանեցին Մարիբորի համալսարանի տնտեսագիտության և բիզնեսի ֆակուլտետի դեկանի և պրոֆեսորադասախոսական կազմի ներկայացուցիչներին ու գրադարանի տնօրենին հետաքրքրող հարցերին, այնուհետև այցելեցին հյուրընկալ բուհի գրադարան, ծանոթացան գրադարանի աշխատանքներին ու հնարավորություններին:
Ծրագրի ղեկավարի՝ պրոֆեսոր Դևետակի և Մարիբորի համալսարանի ու հայաստանյան բուհերի ներկայացուցիչների մասնակցությամբ քննարկվեցին հետագա համագործակցության հնարավոր ուղիները: Մասնավորապես կարևորվեց անձնակազմի և ուսանողների կրեդիտների միջազգային շարժունության, ինչպես նաև համատեղ գիտական հետազոտությունների իրականացումը:
Քննարկվեցին նաև ծրագրի հետագա գործողությունները՝ առցանց դասախոսությունների իրականացումը Մարիբորի համալսարանի դասախոսների կողմից Հայաստանի գործընկեր բուհերի դասախոսների և ուսանողների համար, ուսանողական էսսեների էլեկտրոնային տպագրության, 2023 թ. Երևանում կայանալիք ուսանողական ամառային դպրոցի, ինչպես նաև ծրագրի ամփոփիչ համաժողովի կազմակերպման մանրամասները:
