Հայաստանի Հանրապետության պետական
կառավարման ակադեմիա
«Հանրային ֆինանսների կառավարում» մագիստրոսական կրթական ծրագիրն իրականացվում է Հայաստանի Հանրապետության պետական կառավարման ակադեմիայի Կառավարման ամբիոնի կողմից:
Կրթական ծրագրի նպատակն է հանրային ֆինանսների կառավարման համակարգի և տնտեսության ոլորտների պահանջներին համապատասխանող գործնական հմտություններով օժտված որակյալ մասնագետների պատրաստումը: Հանրային ֆինանսների կառավարում կրթական ծրագրով ընդունելության մրցույթին կարող են մասնակցել տնտեսագիտություն, կառավարում, ճարտարագիտություն, ինչպես նաև ֆիզիկամաթեմատիկական և բնագիտական մասնագիտություններ ունեցող շրջանավարտները: Ակադեմիայի դիմորդը կարող է զուգահեռաբար դիմել նաև «Գործարար վարչարարություն» (հեռավար) կրթական ծրագրով երկրորդ մասնագիտությամբ սովորելու համար:
«Հանրային ֆինանսների կառավարում» կրթական ծրագրով առկա ուսուցմամբ սովորելու հայտ ներկայացրած դիմորդները հանձնում են թեստ ՀՀ Սահմանադրությունից և Տնտեսագիտության տեսությունից:
Ուսուցման ձևը՝ առկա (2 տարի, անվճար և վճարովի) և հեռակա (2,5 տարի, վճարովի):
Դասընթացները երեկոյան ժամը 19:00-ից:
Հեռակա ուսուցման ընդունելություն՝ փաստաթղթերի ներկայացում, հարցազրույց: Ուսուցման ձևը՝ վճարովի:
«Հանրային ֆինանսների կառավարում» մագիստրոսական կրթական ծրագրի ընդունելության մրցույթին կարող են մասնակցել առնվազն բակալավրի աստիճան ունեցող անձինք:
Անվճար հիմունքով սովորող մագիստրանտները կստանան 48.600 ՀՀ դրամ կրթաթոշակ:
Տարեկան ուսման վարձը 600.000 ՀՀ դրամ է:
Ընդունելության համար պետք է ներկայացնել հետևյալ փաստաթղթերը.
եթե դիպլոմը դեռևս չի հանձնվել, ապա դրա փոխարեն պետք է ներկայացնել տեղեկանք՝ ըստ ձևանմուշի, իսկ դիպլոմի հավելվածի փոխարեն՝ ակադեմիական տեղեկանք ավարտած բուհից, որտեղ պետք է պարտադիր նշված լինի ամփոփիչ ՄՈԳ–ը (միջին որակական գնահատականը)
Դիմորդը փաստաթղթերը ներկայացնում է անձամբ` անձը հաստատող փաստաթղթով: Նշված փաստաթղթերի պատճենները ներկայացվում են բնօրինակների հետ (պատճենները համեմատվում են բնօրինակների հետ և ընդունվում, իսկ բնօրինակները վերադարձվում են քաղաքացուն):
Լրացուցիչ տեղեկությունների համար զանգահարել կրթական ծրագրի պատասխանատու, ՀՀ ՊԿԱ փաստաթղթեր ընդունող հանձնաժողովի անդամ Արմինե Հովհաննիսյանին՝ (093) 402 875, կամ ընդունող հանձնաժողովի պատասխանատու քարտուղար՝ Աննա Ղուշչյանին՝ (091) 496 269:
Աշխատանքային օրերը՝ երկուշաբթի-ուրբաթ, ժամը՝ 9։00-17։00:
