Գրադարանից օգտվելու կանոնները

1.ԳՐԱԴԱՐԱՆԻՑ ՕԳՏՎՈՂՆԵՐԻ ԳՐԱՆՑՈՒՄԸ

Գրադարանում գրանցվելու համար անհրաժեշտ է ներկայացնել անձը հաստատող փաստաթուղթ:
Օգտվողների կարգավիճակը ստուգվում է համապատասխան հրամանների միջոցով։
Նախքան գրանցվելը օգտվողները պարտավոր են ծանոթանալ սույն Կարգին Գրադարանում կամ Ակադեմիայի paara.am կայքէջի «Փաստաթղթեր» բաժնում։
Գրանցվելու համար գրադարանից յուրաքանչյուր օգտվողի համար բացվում է սույն Կարգի N 1 հավելվածով հաստատված ձևի գրանցման քարտ, որում նշվում են ընթերցողի տվյալները (անուն, ազգանուն, հասցե, հեռախոս, անձնագրի սերիա և այլ տեղեկություններ):
Առանց գրանցման քարտի գրադարանում սպասարկում չի կատարվում:
Գրանցվելիս գրադարանից օգտվողները ստորագրում են գրանցման քարտերի (օգտվողի ֆորմուլյար) վրա` հաստատելով, որ ծանոթացել են Կարգին և պարտավորվում են պահպանել դրանք։

2.ԳՐԱԴԱՐԱՆԻՑ ՕԳՏՎՈՂԻ ԻՐԱՎՈՒՆՔՆԵՐԸ, ՊԱՐՏԱԿԱՆՈՒԹՅՈՒՆՆԵՐՆ ՈՒ ՊԱՏԱՍԽԱՆԱՏՎՈՒԹՅՈՒՆԸ

Գրադարանի ծառայություններից կարող են օգտվել Ակադեմիայի վարչական, ակադեմիական, գիտական և ուսումնաօժանդակ կազմի ներկայացուցիչները (այսուհետ՝ աշխատող), ուսանողները,ասպիրանտներն ու հայցորդները:
Այլ ուսումնական հաստատությունների ներկայացուցիչները կարող են օգտվել միայն ընթերցասրահից՝ գրադարանի աշխատանքները համակարգող ղեկավարի կողմից թույլտվություն ստանալու դեպքում:
Գրադարանային ծառայություններից օգտվողն իրավունք ունի․

անվճար օգտվելու գրադարանային հավաքածուից, գրադարանային- տեղեկատվական ծառայություններից` սույն Կարգին համապատասխան,
գրադարանի տեղեկատու-որոնողական համակարգի, Ակադեմիայի paara.am կայքէջի միջոցով ստանալու ամբողջական տեղեկույթ գրադարանային հավաքածուի մասին,
ըստ սահմանված կարգի երկարացնելու վերցված գրադարանային փաստաթղթերի ժամկետները,
օգտվելու գրադարանի համակարգիչներից և անվճար ինտերնետից,
ստանալու խորհրդատվական օգնություն գրադարանային փաստաթղթերի և տեղեկատվական աղբյուրների ընտրության ու որոնման հարցում։

4. Գրադարանային ծառայություններից օգտվողը պարտավոր է.

պահպանել գրադարանից օգտվելու կարգը,
պահպանել գրադարանի ծառայություններից և գրադարանային հավաքածուից օգտվելու կանոնները,
խնամքով վերաբերվել Գրադարանի գույքին,
Գրադարանի տարածքում ենթարկվել Ակադեմիայի ներքին կարգապահական կանոններին, ցուցաբերել հարգալից վերաբերմունք մյուս օգտվողների և Գրադարանի աշխատողների նկատմամբ,
պահպանել գրադարանային փաստաթղթերի օգտագործման ժամկետները,
գիրքը ստանալիս ստուգել դրա ֆիզիկական վիճակը՝ էջերի քանակ, նկարազարդումներ, գծագրեր, հավելվածներ և այլն, վնասված լինելու դեպքում հայտնել Գրադարանի աշխատողներին։ Հակառակ պարագայում փաստաթղթի վնասի համար պատասխանատվություն է կրում այն օգտվողը, որը վերջինն է դրանից օգտվել,
վերադարձնել Գրադարանից վերցված գրադարանային փաստաթղթերը՝

ա. յուրաքանչյուր կիսամյակի ավարտին,

բ. ուսումնառությունն ընդհատելու, ազատվելու, հեռացվելու դեպքում,

գ. աշխատանքային պայմանագրի լուծման դեպքում,

պահպանել տեխնիկական միջոցներից օգտվելու կանոնները,
ընթերցասրահում աշխատելիս պահպանել լռություն։

5. Յուրաքանչյուր ընթերցող պատասխանատվություն է կրում վերցրած գրքերը և այլ տպագիր միջոցները խնամքով պահպանելու և ժամանակին բարվոք վիճակում գրադարանին վերադարձնելու համար:

6. Գրադարանային հավաքածուին և (կամ) այլ գույքին վնաս պատճառելու դեպքում գրադարանային ծառայությունից օգտվողը պարտավոր է փոխհատուցել։ Գիրքը կորցնելու դեպքում պարտավոր է փոխարինել նույն գրքով կամ գրադարանին անհրաժեշտ մեկ այլ համարժեք գրքով կամ փոխհատուցել դրանց շուկայական արժեքի չափով (գրքի համարժեքությունը որոշվում է ամբիոնի վարիչի կողմից․ ամբիոնի վարիչի գրավոր եզրակացությունը պարտադիր է):

7. Գրադարանային հավաքածուներից օգտվելու կանոնները խախտելու դեպքում գրադարանի ծառայությունից օգտվողը պատասխանատվություն է կրում Հայաստանի Հանրապետության օրենքով սահմանված կարգով:

3. ԳՐԱԴԱՐԱՆԱՅԻՆ ՓԱՍՏԱԹՂԹԵՐԻՑ ՕԳՏՎԵԼԸ

1. Գրադարանային փաստաթղթերը դուրս են տրվում միայն գրանցման քարտով:

2. Հազվագյուտ կամ մեկ օրինակ գրականությունից, հանրագիտարաններից, չհրատարակված նյութերից, թեկնածուական և դոկտորական ատենախոսություններից և մագիստրոսական թեզից կարելի է օգտվելմիայն ընթերցասրահում:

3. Գրադարանային փաստաթղթերը ստանալու և վերադարձնելու փաստը ամրագրվում է օգտվողի հաշվառման քարտում, իսկ ընթերցասրահում` սույն Կարգի N 2 հավելվածով հաստատված ամենօրյա գրանցամատյանում։

4. Արգելվում է գրքի մեջ նշում կատարել, էջ պոկել կամ ծալել:

5. Սահմանված են գրադարանային փաստաթղթերի տրամադրման հետևյալ ժամկետներն ու քանակը․

Ակադեմիայի գրադարանում գրանցված յուրաքանչյուր ընթերցող կարող է վերցնել մինչև յոթ գիրք,
գրքերի և այլ տպագիր նյութերի օգտագործման ժամկետը սահմանում է գրադարանավարը` ելնելով գրքի պահանջարկից, չգերազանցելով տասնօրյա ժամկետը,
վերցրած գրականության ժամկետը կարող է երկարացվել կամ մերժվել` հաշվի առնելով տվյալ գրքի պահանջարկը,
ուսումնամեթոդական գրքերը, դասագրքերը, որոնց քանակը գրադարանում շատ է, տրվում է մեկ կիսամյակ ժամկետով,
առանձնակի դեպքերում, երբ առկա է Գրադարանում տվյալ գրքից ընդամենը մեկ օրինակ, այն տրվում է մեկ շաբաթ ժամկետով՝ առանց երկարացնելու հնարավորության,
նշված ժամանակահատվածում գիրքը չվերադարձնելու դեպքում ընթերցողը ծանուցվում է գրքի վերադարձման մասին ծանուցման հնարավոր որևէ միջոցով,
գրադարանային փաստաթղթերի վերադարձման ժամկետները խախտելու դեպքում օգտվողը զգուշացվում է, կրկնվելու դեպքում` զրկվում գրադարանից օգտվելու իրավունքից։

6. Գրադարանից օգտվելիս պահանջվում է անջատել բջջային հեռախոսները կամ միացնել անձայն ռեժիմով։

7. Արգելվում է սնունդ բերել Գրադարան, սակայն թույլատրվում է բերել ըմպելիք, եթե ապակե կամ պլաստմասսայե թափանցիկ շշով է՝ ապահով փակվող կափարիչով:

8. Գրադարանում արգելվում է անհատական համակարգիչները կամ բջջային սարքավորումներն օգտագործել ժամանցային նպատակներով, օրինակ՝ համակարգչային խաղերը խաղալու համար:

Աշխատանքային ժամերը
Գրադարանն աշխատում է`

Օրեր`	երկուշաբթի-ուրբաթ
ժամեր`	09:00-19:00