ՀՀ պետական կառավարման ակադեմիայի պրոռեկտոր Թ. Խեչոյանը հանրային ծառայողների ուսուցման, վերապատրաստման և որակավորման բարձրացման հիմնախնդիրների շուրջ հանդես եկավ զեկույցով Թբիլիսիում կայացած «Հանրային կառավարման ձևափոխումները Հարավային Կովկասում. հավասարակշռում և հեռանկարներ» խորագրով տարածաշրջանային գիտաժողովում, որը կազմակերպվել էր Թբիլիսիի պետական համալսարանի կառավարման ինստիտուտի և Շպայերի (Գերմանիա) կառավարման համալսարանի կողմից: Գիտաժողովն անցավ Գերմանիայի Դաշնային Հանրապետության և Հարավային Կովկասի երեք հանրապետությունների հանրային կառավարման ոլորտի վերաբերյալ հետաքրքիր հարցադրումների ներկայացմամբ և լուսաբանմամբ: Գիտաժողովը հիմք կծառայի հետագա համագործակցության խորացման համար: