Ռեկտորի ուղերձը

Խաչատուր Աշոտի Ղազեյան

ՀՀ պետական կառավարման ակադեմիայի ռեկտոր

Բարի՛ գալուստ

ՀՀ պետական կառավարման ակադեմիայի պրոֆեսորադասախոսական կազմին, աշխատակազմին, մագիստրանտներին, ինչպես նաև Ակադեմիայի գործունեությանն առնչվող յուրաքանչյուր քաղաքացու միավորում է մեկ ընդհանուր ցանկություն՝ սեփական ներդրումն ունենալ մեր պետության կայացման և զարգացման գործընթացում: Մեզանից յուրաքանչյուրը համոզված է, որ մենք ունենք բացառիկ հնարավորություն և պատասխանատվություն՝ պաշտպանելու հանրության շահերը:

Մեր առաքելությունն է վերապատրաստել հանրային կիրթ առաջնորդներ, առաջարկել ամենաբարդ հանրային խնդիրները լուծելու եղանակներ: Մասնագետների մի հրաշալի կազմ միացել է մեզ՝ իրականացնելու այդ առաքելությունը:

ՀՀ պետական կառավարման ակադեմիայի պրոֆեսորադասախոսական կազմի և ուսանողության կողմից մշակված գաղափարները բազմազան խնդիրների վերաբերյալ, ինչպիսիք են՝ առաջնորդելու, որոշումներ կայացնելու ունակությունները, հանրային քննարկումները, սոցիալական բարեփոխումները, պետական, ազգային անվտանգությունը, ունեն մեծ նշանակություն և ձևավորում են կառավարելու հմտություն:

Այսպիսով, բացելով մեր նոր էլեկտրոնային կայքէջը` մենք հուսով ենք, որ դուք այնտեղ կգտնեք նոր տեղեկություններ ու գաղափարներ: Թերթելով էջերը` դուք կարող եք ծանոթանալ մեր կրթական ծրագրերին, պրոֆեսորադասախոսական կազմին և մեր վերլուծական ու հետազոտական կենտրոններին: Դուք հնարավորություն կունենաք վիրտուալ շրջագայություն կատարելու Ակադեմիայում:

Եթե դուք որոշել եք դառնալ Ակադեմիայի ուսանող, միացե՛ք հանրային նորարար առաջնորդների գալիք սերնդին: Մենք բոլորս ձգտում ենք բարձունքների՝ վստահ լինելով, որ հանրային ծառայությունը և մեր առջև ծառացած հիմնախնդիրներն այնքան կարևոր են, որ մենք պետք է ձգտենք դրանք լուծել ամենաբարձր չափանիշներին համապատասխան:

Եթե դուք փնտրում եք նոր գաղափարներ, ապա մեր կայքէջը կդառնա ձեր լավագույն ուղեկիցը` «հանդիպելու» մեր դասախոսական կազմի և աշխատակիցների հետ, ովքեր պատրաստ են ձեզ ուղղորդելու դեպի մասնագիտական նվաճումներ: Դուք կարող եք նաև հանդիպել և ունկնդրել պետական հայտնի գործիչների, որոնց հետ պարբերաբար հանդիպումներ են կազմակերպվում Ակադեմիայում:

Եթե դուք ունեք մտահղացումներ մեր կողմից մատուցվող ծառայություններն ավելի նպատակային դարձնելու կամ կրթական ու վերապատրաստման նոր հնարավորությունների վերաբերյալ, հուսով եմ՝ այստեղ կգտնեք բոլոր պայմաններն ու հնարավորությունները` ձեր գաղափարները կյանքի կոչելու համար:

Իսկ եթե դուք արդեն մեր թիմում եք՝ որպես ուսանող կամ պրոֆեսորադասախոսական կազմի անդամ, հուսով եմ՝ դուք կարող եք օգտագործել այս կայքէջը` ձեր աշխատանքն ավելի արդյունավետ դարձնելու համար:

Մեզանից յուրաքանչյուրը պետք է ներդնի իր ողջ կարողությունները, որպեսզի հնարավոր լինի դիմակայել հանրային մարտահրավերներին, որոնք ծառացել են մեր առջև: Միայն այդ դեպքում մենք կարող ենք վստահ և բավարարված լինել, որ յուրաքանչյուրիս կարողությունները և ներդրումները նպաստում են ազատ և քաղաքացիական հասարակության ձևավորմանը: