Մեր մասին

Հայաստանի Հանրապետության պետական կառավարման ակադեմիայի Ուսանողական խորհուրդը ուսանողության ներկայացուցչական,  ինքնակառավարման, նրա շահերը պաշտպանող ընտրովի մարմին է, որը հիմնադրվել է 2013թ․-ին։

ՀՀ ՊԿԱ ՈւԽ-ն իր գործունեությունն իրականացնում է «Բարձրագույն և հետ բուհական կրթության մասին» ՀՀ օրենքի, Ակադեմիայի կանոնադրությանը, ներքին կարգապահական կանոններին և ՈՒԽ կանոնադրությանը համապատասխան՝   մշտական հիմունքներով։

ՈՒԽ-ի բարձրագույն մարմինն է ՈՒԽ-­ի ժողովը, որին մասնակցում են ՈՒԽ-ի բոլոր անդամները: Ժողովը վարում է ՈՒԽ-ի նախագահը:

ՈՒԽ-ի խորհրդակցական մարմիններն են ՈՒԽ-ի մշտական հանձնաժողովները, որոնք ստեղծվում և լուծարվում են Ժողովի որոշմամբ: ՈւԽ-ի հանձնաժողովների թիվը չի կարող գերազանցել 8-­ը: Ներկայումս ՀՀ ՊԿԱ ՈՒԽ-ում գործում են 8 մշտական հանձնաժողովներ, որոնց պատասխանատուները միտված են պահելու, զարգացնելու ՈՒԽ-ի հիմնական նպատակները և դրույթները՝ միավորելով ուսանողներին մեկ գաղափարի շուրջ:

ՀՀ ՊԿԱ ՈւԽ-ն արտահայտում և պաշտպանում է ուսանողության շահերը, նպաստում նրանց կրթական, գիտական, ստեղծագործական, բարոյական և հոգևոր զարգացմանը:

Ուսանողական խորհուրդի գործունեության նպատակներն ու խնդիրներն են՝

• պաշտպանել ուսանողների շահերն ու իրավունքները,
• ապահովել ուսանողների մասնակցությունը Ակադեմիայի կառավարման մարմիններում,
• դրսևորել սեփական գիտելիքները և հնարավորությունները՝ ինքնառեալիզացվել,
• Ակադեմիայի կառավարման համապատասխան մարմինների քննարկմանը ներկայացնել ուսանողության շահերին առնչվող հարցեր,
• մասնակցել Ակադեմիայի ներքին կարգապահական կանոնների պահպանմանը՝ իրազեկելով ուսանողներին իրենց իրավունքների ու պարտականությունների մասին,
• մասնակցել ուսուցման արդյունավետության բարձրացմանն ուղղված ծրագրերի մշակմանն ու իրականացմանը,
• աջակցել ուսանողների սոցիալական վիճակի բարելավմանը, կազմակերպել ուսանողների ազատժամանցն ու հանգիստը,
• աջակցել ուսանողների գիտահետազոտական աշխատանքների կազմա­կերպ­ման գործընթացին
• միավորել Ակադեմիայի ՈՒԽ-ի ջանքերը` ուսանողության համար բարենպաստ միջավայրի ձևավորմանը նպաստելու և ուսանողների գիտական, կրթական,հոգևոր, մշակութային, ստեղծագործական ու ֆիզիկական զարգացումը խթանելու նպատակով: